Emiliana 2018-04-17T13:54:34+00:00

Emiliana

Þetta vínfyrirtæki í Chile hefur svo sannanlega verið frumkvöðull þegar kemur að lífrænni- og lífefldri (biodynamic) ræktun. Árið 1990 var Emiliana hefðbundið vínhús en þá var sú ákvörðun tekin að breyta því í vínhús sem framleiddi 100% lífrænt og lífefld ræktuð vín. Markmiðið var að framleiða vín í hæsta gæðaflokki á sama tíma og borin er virðing fyrir náttúrunni og umhverfinu. Nú tveimur áratugum eftir að lagt var upp með þetta markmið hefur orðið til safn vína sem hafa áunnið sér fjölda viðurkenninga í heimalandinu sem og alþjóðlegra viðurkenninga og mæta þannig kröfum neyenda í dag. Öll starfsemi Emiliana miðast við framúrskarandi árangur byggt á jafnvægi milli hágmarks gæða og virðingar fyrir umhverfinu og fyrir fólkinu sem í því býr. Fyrir Emiliana eru lífræn ræktun og lífefld ræktun ástríða og menn trúa því að með þessum aðferðum skili vínekrurnar meiru af sér og gæði þrúganna og vínsins verði þar af leiðandi meiri.

Vínræktarsvæði Emiliana eru, Casablanca Valley sem er mikilvægastur þegar kemur að ræktun hvítvínsþrúga, Maipo Valley sem stendur upp úr í ræktun cabernet sauvignon með sterkum karakter, Cachapoal Valley sem býr yfir kjör aðstæðum til rauðvínsræktunnar, Colchagua Valley er fullkominn staður til að rækta rauðvíns þrúgur eins og merlot, syrah og ekki síst carmenere og svo er það Bio-Bio Valley sem er sunnarlega og afar vel til þess fallinn að rækta þrúgur sem þroskast við lægra hitastig.